ခရီးသွားလုပ်ငန်းဆိုင်ရာ ကွန်ဖရင့်

မြန်မာရွှေ့ပြောင်းလုပ်သားများအပေါ် ကျင့်ဝတ်ညီသော တာဝန်ယူမှုရှိသော လုပ်သားစုဆောင်းမှု ဖြစ်ပေါ်စေရန် တိုက်တွန်း

မြန်မာ့စီးပွားရေးကဏ္ဍတာဝန်ယူမှုရှိရေး အထောက်အကူပြုဌာန (MCRB) သည်  ၎င်း အားတည်ထောင်ပေးခဲ့သူ အဖွဲ့အစည်းဖြစ်သည့်  IHRB ၊ အခြားလူသိများသည့် အမှတ်တံဆိပ်များနှင့် ပူးပေါင်းပြီး မေလ ၁၅ရက်က ဒေသတွင်းအဆင့် အလုပ်ရုံဆွေးနွေးပွဲတစ်ခုကို ရန်ကုန်မြို့တွင် ကျင်းပခဲ့သည်။ လူဦးရေ ၁၀၀ ကျော်တက်ရောက်ခဲ့ပြီး ၎င်းတို့၏ ဖောက်သည်ဈေးဝယ်သူများအပေါ် အမြင်များ ၊လုပ်ငန်းပိုင်းဆိုင်ရာအမြင်များကို ဆွေးနွေးခဲ့ကြသည်။ ဆွေးနွေးမှုမှ ရလဒ်များကို မေ ၁၇ရက်တွင် အစိုးရထံသို့ ပေးပို့ကာ ရွှေ့ပြောင်းလုပ်သား ဆိုင်ရာ ဒုတိယမြောက် အစီအစဉ်အကောက်အထည်ဖော်ရာတွင် အထောက်အကူပြုစေမည် ဖြစ်သည်။

အရပ်ဖက် အဖွဲ့အစည်းများအတွက် ပတ်ဝန်းကျင်ထိန်းသိမ်းရေးနှင့် ပတ်သက်သော ဥပဒေပိုင်းဆိုင်ရာ စည်းရုံးလှုံ့ဆော်မှုသင်တန်းဖွင့်လှစ်

မြန်မာ့စီးပွားရေးကဏ္ဍတာဝန်ယူမှုရှိရေး အထောက်အကူပြုဌာန (MCRB) နှင့် ဗားမောက် ဥပဒေ ကျောင်းတို့ ပူးပေါင်းပြီး ရှမ်း၊ကချင်၊ကရင်ပြည်နယ်နှင့် တနင်္သံာရီ၊မကွေး၊စစ်ကိုင်းနှင့် ပဲခူးတိုင်းတို့မှ အရပ်ဖက်အဖွဲ့အစည်းများမှ ခေါင်းဆောင်များအား သင်တန်းနှစ်ကြိမ်ဖွင့်လှစ်ပေးခဲ့ရာ ပတ်ဝန်းကျင်ထိန်းသိမ်းရေးနှင့် ပတ်သက်သော ဥပဒေပိုင်းဆိုင်ရာ စည်းရုံးလှုံ့ဆော်မှုနှင့် ပတ်သက်ပြီး အခြေခံကျကျ လေ့လာခွင့်ရခဲ့သည်။ ယင်းအတွက် တက်ရောက်ရသူများသည် မြန်မာနိုင်ငံ၏ ပတ်ဝန်းကျင်ထိန်းသိမ်းရေး ဥပဒေကိုလည်း အသုံးချနိုင်ရန် သိရှိခဲ့ရသည်။ အဆိုပါ နေ့ဝက်သင်တန်း ၂ကြိမ်တွင်မန္တလေး မူဆယ် ရထားလမ်းပိုင်း နှင့် ပတ်သက်ပြီး သရုပ်ပြသင်ကြားခြင်းလည်း ပါဝင်ရာ အစိုးရနေရာ၊ ကုမ္ပဏီနေရာ အပြင် ဒေသခံများနေရာများတွင်ပါ နေရာယူပြီး လေ့လာခွင့်ရခဲ့သည်။

လုပ်ငန်းခွင်အတွင်း လေးစားမှုမြှင့်တင်ရေးအတွက် EU ဖိုရမ်တွင် ဆွေးနွေး