မြန်မာနိုင်ငံအတွက် B2C ၀န်ဆောင်မှုနှင့်သက်ဆိုင်သော အထောက်အကူပြု နည်းပညာများအား မျှဝေခြင်း

ဇန်နဝါရီ ၁၂ ရက်နေ့တွင် မြန်မာနိုင်ငံရှိအစ္စရေးသံရုံးသည်  မြန်မာ့စီးပွားရေး ကဏ္ဍ တာဝန်ယူမှုရှိရေး အထောက်အကူပြုဌာန (MCRB)၊ မြန်မာ - အစ္စရေး ကုန်သွယ်ရေး၊ စက်မှုနှင့် တီထွင်မှု ကုန်သည်ကြီးများ အသင်း (MICCI)၊ Access Israel နှင့်အတူ ပူးပေါင်း၍ မြန်မာနိုင်ငံရှိမသန်စွမ်းသူများအတွက် ထုတ်ကုန်များနှင့် /သို့မဟုတ် ၀န်ဆောင်မှုများကို ပိုမိုလွယ်ကူစွာ၊ အားလုံး ပါဝင်စေနိုင်သည့် စီးပွားရေး လုပ်ငန်းများဆိုင်ရာ အွန်းလိုင်းဆွေးနွေးပွဲ တစ်ခုပြုလုပ်ခဲ့ပါသည်။ နောက်ဆက်တွဲ အနေဖြင့် အစောပိုင်း ပြုလုပ်ခဲ့သည့် အွန်းလိုင်းဆွေးနွေးပွဲ၊ “မသန်စွမ်းသူများအား အဘယ်ကြောင့် အလုပ်ခန့်ထားသင့်သနည်း” နှင့်ပတ်သက်သော၊ အင်္ဂလိပ်ဘာသာ ဖြင့် စာတမ်းထိုးခြင်း နှင့်အတူ၊ မြန်မာဘာသာ-ဗွီဒီယိုအား ရရှိနိုင် ပါသည်။

စားသုံးသူ ၀န်ဆောင်မှုများမှ စီးပွားရေးလုပ်ငန်းများအတွက် နည်းပညာများ - ဖြစ်နိုင်ချေရှိအောင် ပြုလုပ်ခြင်း ဆိုင်ရာ ဒုတိယအွန်းလိုင်းဆွေးနွေးပွဲသို့ တက်ရောက်သူ ၇၀ တက်ရောက်ခဲ့ပြီး အများစုမှာ အသေးစားနှင့် အလတ်စား ကုမ္ပဏီများ၊ မသန်စွမ်းအဖွဲ့အစည်းများ ဖြစ်ကြပါသည်။ အဓိက ရည်ရွယ်ချက်မှာ ရရှိနိုင်သည့် အထောက်အကူပြုနည်းပညာများကို ပိုမိုသိရှိနားလည်စေရန်နှင့် ထိုနည်းပညာများကို မြန်မာနိုင်ငံနှင့် အစ္စရေးနိုင်ငံရှိ မသန်စွမ်းသူများအတွက် အလုပ်အကိုင် အခွင့်အလမ်းများ တိုးမြှင့်ရာတွင် မည်သို့အသုံးပြုနိုင် မည်အား ဆွေးနွေးရန်တို့ ဖြစ်ပါသည်။  ၂ နာရီကြာ အွန်းလိုင်းဆွေးနွေးပွဲကို မြန်မာနှင့် အင်္ဂလိပ် နှစ်မျိုးလုံး တစ်ပြိုင်တည်း စာတန်းထိုးခြင်း (Verbit မှပံ့ပိုးပေးသည်)၊ စဉ်ဆက်မပြတ် မြန်မာဘာသာ လက်ဟန်ပြ စကားပြန်ရှိခြင်းနှင့်အတူ စီစဉ် ဆောင်ရွက်ခဲ့သည်။

သံအမတ်ကြီး Ronen Gil-Or  မှမိတ်ဆက်ပြီးသည့်နောက် MCRB မှ ဒါရိုက်တာ Vicky Bowman နှင့် Access Israel ၏ အမှုဆောင်အရာရှိချုပ် Michal Ramon၊ အပြည်ပြည်ဆိုင်ရာ သုံးစွဲမှု၊ International Association of Accessible Professsionals (IAAP) မှ အုပ်ချုပ်မှုဒါရိုက်တာ Christopher Lee သည် ၀က်ဘ်ဆိုက်သုံးစွဲနိုင်မှု အကြောင်း ဆိုင်ရာ စိတ်ဝင်စားဖွယ် ကောင်းသော မိန့်ခွန်းများကို ပြောကြားခဲ့သည်။ IAAP သည် လက်လှမ်းမီသော ထုတ်ကုန်များ၊ ဆက်စပ်သည့်အရာများ၊ ၀န်ဆောင်မှုများနှင့် ပတ်ဝန်းကျင်ဆိုင်ရာ ဖန်တီးမှုများ ပြုလုပ် ဆောင်ရွက်သော အကျိုးအမြတ်မယူသည့် ကွန်ယက်တစ်ခု ဖြစ်ပါသည်။

၎င်းသည် ဒစ်ဂျစ်တယ်သုံးစွဲမှုဆိုင်ရာ မူဝါဒများနှင့်အစီအစဉ်များကို အကောင်အထည်ဖော်ရာတွင် တိုးတက်မှုအပေါ် အခြေခံ၍ စီးပွားရေး လုပ်ငန်းများကို စံသတ်မှတ်ရန် ခွင့်ပြုသော Benchmarking Tool (SB4All) ဆိုင်ရာ Smart Business ကို မျှဝေခဲ့သည်။ ၎င်းက စီးပွားရေးလုပ်ငန်းများသည် ရယူ သုံးစွဲသူများအပေါ် နားလည်မှုပေးရန် သာမက မသန်စွမ်းသူများ အခွင့်အရေးဆိုင်ရာ ကွန်ဗင်းရှင်းတွင် သတ်မှတ်ထားသော Universal Design ၏ သဘောသဘာဝ သာမက လိုက်လျောညီထွေဖြစ်ရန် (သို့) အထူးဒီဇိုင်း မလိုဘဲ တတ်နိုင်သမျှ အတိုင်းအတာအထိ “လူအများ အသုံးပြုနိုင်သော ထုတ်ကုန်၊ ပတ်ဝန်းကျင်၊ အစီအစဉ်များနှင့် ဝန်ဆောင်မှုများအား အလေးထား ဆောင်ရွက်ရန် လိုအပ်ပါသည်။ MCRB မှ ''Vicky Bowman က ပြောကြားသည်မှာ MCRB ၏ တွဲဖက်တည်ထောင်သူ၊ IHRBနှင့်အတူ လေ့လာ ဖော်ထုတ်နေသော မြန်မာ့နိုင်ငံ၏ တည်ဆောက်သော အဆောက်အအုံ ပတ်ဝန်းကျင်ဆိုင်ရာ ကျင့်သုံးမှု နှင့်ပတ်သက်သော၊ “Universal Design” ဆိုင်ရာ ဂုဏ်သိက္ခာရှိသောဒီဇိုင်း အား အကောင်အထည်ဖော်ပုံ နှင့်ဆက်စပ် နေသည်ဟု မှတ်ချက်ပြုခဲ့ပါသည်။

လက်လှမ်းမီရယူသုံးစွဲခြင်း တိုးတက်စေရန် အစ္စရေးကုမ္ပဏီသုံးခုက နည်းပညာ အမျိုးမျိုးအား ရှင်းလင်း တင်ပြခဲ့သည်။

• Eran Fishov က Verbit ၏ AI နည်းပညာသည် အထူးသဖြင့် COVID-19 ကာလတွင် ပညာရေး၊ မီဒီယာနှင့် ဥပဒေရေးရာ ကဏ္ဍများတွင် အသုံး၀င်ကြောင်း သက်သေပြခဲ့သည့် ကြိုတင် မှတ်တမ်း တင်ခြင်းနှင့် တိုက်ရိုက်အစီအစဉ်များအတွက် ယုံကြည်စိတ်ချရသော ကူးရေးခြင်း/ ကူးယူခြင်းနှင့် စာတန်းထိုးခြင်းဆိုင်ရာ ဖြေရှင်းနည်းများအား ရှင်းပြခဲ့သည်။ သူက မြန်မာနိုင်ငံ၏ အမျိုးသား ပညာရေး မဟာဗျူဟာ စီမံကိန်းအား အကောင်အထည်ဖော်ရန် မည်သို့ အသုံးဝင်နိုင်မည်ကို အလေးထားပြောကြားခဲ့သည်။

• Maya Huber သည် ကျွမ်းကျင်မှု (သို့) လုပ်နိုင်စွမ်းဆိုင်ရာ ပုဂ္ဂိုလ်တစ်ဦး၏ အတိုင်းအတာ (Skillset) ကို လက်တွေ့လုပ်ကိုင်ဆောင်ရွက်နေသော လုပ်ငန်းအစုအဖွဲ့ဆိုင်ရာ ဆွေးနွေးမှု (platform)နှင့် ပတ်သက်၍ ရှင်းလင်းတင်ပြခဲ့သည်။ ကိုယ်ရေးအချက်အလက် (CV) ကို အခြေမခံသော၊ လက်တွေ့လုပ်ဆောင်နိုင်သော စွမ်းဆောင်ရည်အပေါ် အခြေခံသည့် အလုပ် ရှာဖွေသူများနှင့် ကုမ္ပဏီများအပေါ် ထောက်ပံ့ပေးခြင်းဖြင့် လိုက်ဖက်/ သဟဇာတဖြစ်/ အံဝင်ခွင်ကျသော အသွင်တူ ဖန်တီးသည့် လက်တွေ့လုပ်ကိုင် ဆောင်ရွက်နေသော လုပ်ငန်း အစုအဖွဲ့ဆိုင်ရာ ဆွေးနွေးမှုဆိုင်ရာ အကျုံးဝင် လက်လှမ်းမီသော အလုပ်အကိုင် နှင့်ပတ်သက်သည့် အလုပ် လျှောက်ထားနိုင်မှု အခွင့်အလှမ်းအား ပိုမိုလုပ်ဆောင်ရန် ရည်ရွယ် ပြောကြားခဲ့ပါသည်။

• Aran က Acoustic Protocol ဆိုသည်မှာ (အချိန်နှင့်တပြေးညီ) အများပြည်သူဆိုင်ရာ ကြေငြာချက်များ နှင့်ပတ်သက်သော တင်ပြချက်များအား၊  အများပြည်သူများ၏မိုဘိုင်းဖုန်းများမှ လက်ခံနိုင်သည့် မက်ဆေ့ခ်ျများသို့ မည်သို့ပြောင်းလဲပေးသည်ကို ရှင်းပြခဲ့သည်။ ထိုသို့ပြုလုပ်ရာတွင် ရုပ်ပုံများ၊ စာဖြင့် ရေးသားထားသော စာသားများ၊ တည်းဖြတ်ထားသော အသံ ဖမ်းစက်မှ ပြန်ဖွင့်ခြင်းများ နှင့်အခြားတုန့်ပြန်ချက်ဆိုင်ရာ လက်ခံရရှိမှုများကို လူသားအားလုံး အသုံးပြုနိုင်သော ပုံစံအနေဖြင့် ပြုလုပ်ထားပါသည်။ လက်ခံသူ၏ တုန့်ပြန်ချက်လက်ခံရရှိမှုအပေါ် မူတည်၍ လိုက်လျော ညီထွေ ဖြစ်အောင်ပြင်ဆင် နေစဉ်အတွင်း လက်ခံဆောင်ရွက်သူသည် ထပ်မံ ဆောင်ရွက်နိုင်ခြင်းနှင့် ပိုမို တိုးတက်အောင် ပြုလုပ်နိုင်ပါသည်။

စကားဝိုင်း ဆွေးနွေးပွဲတွင် အနာကြီးနှင့် မသန်စွမ်းမှု ကာကွယ်ရေးနှင့် ပြန်လည် ထူထောင်ရေး လုပ်ငန်းအဖွဲ့ (TLMM) ၏ ဒေါက်တာဇော်မိုးအောင်မှ ကြီးကြပ်၍  မြန်မာနိုင်ငံ မသန်စွမ်းသူများ ရှေ့ဆောင်အဖွဲ့ (MILI) မှ ဒါရိုက်တာ မယုယသူ၊ Myanmar Assistive Technology Center မှ Developer ဦးဝင်းရွှေ၊ မြန်မာနိုင်ငံ နားမကြားသူများ ဖွံ့ဖြိုးတိုးတက်ရေးအဖွဲ့ (MDCDA)မှ အစီအစဉ်ဒါရိုက်တာ ဦးကျော်ကျော်တို့ ပါဝင်ခဲ့ကြပါသည်။ ဦးဆောင်-ပါဝင်-ဆွေးနွေးသူများသည် ရန်ကုန်မြို့အတွင်း ဆင်းခြေလျောများ မရှိခြင်း နှင့် ဖန်သားပြင်ဖက် အသံထွက် နည်းပညာသည် မြန်မာဘာသာဖြင့် အသံထွက်ပေးခြင်း ကဲ့သို့သော ဇော်ဂျီဖောင့် မှ Unicode သုံးဖောင့်သို့ အရှိန်မြင့် ဆောင်ရွက်နေစဉ်အတွင်း အကြားအာရုံ မသန်စွမ်းသူများနှင့် အမြင်အာရုံ မသန်စွမ်းသူများသည် နည်းပညာကဏ္ဍအား အကန့်အသတ်ဖြင့်သာ လက်လှမ်းမီရယူသုံးစွဲနိုင်ခြင်း အပါအဝင် မြန်မာနိုင်ငံ အတွင်း မသန်စွမ်းသူများ ရင်ဆိုင်နေရသော ရှုန်းကန်လှုပ်ရှားမှုများကို ရှင်းလင်း တင်ပြခဲ့ပါသည်။ Grab၊ Telenor၊ MPT, Wave Money, CB Bank နှင့် KBZ Bank တို့ အပါအဝင် အမြင်အာရုံမသန်စွမ်းသူများအတွက် လက်လှမ်းမီ ရယူသုံးစွဲနိုင်မှု သေချာသည့် အနည်းငယ်သော ကုမ္ပဏီ အကြောင်းကို အလေးထား ပြောကြားခဲ့ ပါသည်။

အထက်ပါအကြောင်းအရာနှင့်ပတ်သတ်၍ ဆက်လက်ဖတ်ရှုလိုပါက

• ငါကငါပါ ၏ မသန်စွမ်းမှုဆိုင်ရာ ဗီဒီယို
• မသန်စွမ်းသူများအား အလုပ်ခန့်ထားခြင်း၊ မြန်မာနိုင်ငံရှိ အလုပ်ရှင်များအတွက် လက်စွဲစာအုပ်
• MCRB မှ မသန်စွမ်းသူများ ဦးဆောင်/ပါဝင်သည့် အသေးစား၊ အငယ်စားနှင့် အလတ်စား စီးပွားရေးလုပ်ငန်းအကြား ချိတ်ဆက်ဆောင်ရွက်မှုအား မြှင့်တင်ခြင်း (တတိယအကြိမ်)
• မြန်မာနိုင်ငံ၏ “တည်ဆောက်သော ပတ်ဝန်းကျင် (Built Environment)” အတွက် “လူ့ဂုဏ်သိက္ခာကို အလေးထားသော ဗိသုကာဒီဇိုင်း (Dignity By Design) ” အား ထည့်သွင်း ဆွေးနွေးခြင်း
• တွင်းထွက်သယံဇာတကဏ္ဍနှင့် စီးပွားရေးလုပ်ငန်းများတွင် အားလုံးအကျုံးဝင်ပါဝင်မှုဆိုင်ရာ အရပ်ဖက်အဖွဲ့အစည်းများ အွန်လိုင်းစကားဝိုင်း

Share:

ယခင်

အချက်အလက်ကာကွယ်ခြင်း (Data Protection) ဘာကြောင့် အရေးပါသလဲ၊ သင်ဝေမျှသည့်အရာကို သိရှိပါ!

နောက်တစ်ခု

မြန်မာနိုင်ငံ၏ “တည်ဆောက်သော ပတ်ဝန်းကျင် (Built Environment)” အတွက် “လူ့ဂုဏ်သိက္ခာကို အလေးထားသော ဗိသုကာဒီဇိုင်း (Dignity By Design) ” အား ထည့်သွင်း ဆွေးနွေးခြင်း