ဆွေးနွေးမှု ရုပ်သံမှတ်တမ်း - “ကျွန်ုပ်တို့ ယုံကြည်ရသော ပုဂ္ဂိုလ်ဆိုင်ရာ လွတ်လပ်မှုနှင့် အချက်အလက်ကာကွယ်ခြင်း”

အောက်တိုဘာလ (၂၁) ရက်နေ့တွင် ၂၀၂၀ခုနှစ် မြန်မာဆိုက်ဘာလုံခြုံရေးလ (Myanmar Cybersecurity Month 2020) #BeCyberSmart လှုပ်ရှားမှု၏ အစိတ်အပိုင်းတစ်ခုအဖြစ်ဖြင့် MCRBသည် ပုဂ္ဂိုလ်ဆိုင်ရာလွတ်လပ်မှု၊ အချက်အလက်ကာကွယ်မှုတို့နှင့် သက်ဆိုင်သည့် အွန်လိုင်းဆွေးနွေးပွဲအား ကျင်းပခဲ့ကာ မြန်မာနိုင်ငံတွင် ကြုံတွေ့နေရသော ဒီဂျစ်တယ်အခွင့်အရေးနှင့် ပုဂ္ဂိုလ်ဆိုင်ရာလွတ်လပ်မှု ပြဿနာများအကြောင်းကို အခြေခံ ဆွေးနွေးသွားခဲ့ပါသည်။

ဆွေးနွေးပွဲတွင် Wave Money မှ Chief Technology Officer ဦးထင်အောင်လှိုင်၊ Telenor Myanmar မှ Head of Business Sustainabiilty and Special Projects ဦးမင်းသူအောင်နှင့် CyberBaykin အား ပူးတွဲတည်ထောင်သူ ဦးရဲသူရသက်တို့က မြန်မာနိုင်ငံတွင် ပိုမိုကောင်းမွန်သော ပုဂ္ဂိုလ်ဆိုင်ရာလွတ်လပ်မှုနှင့် အချက်အလက်ကာကွယ်မှုတို့ ပေါ်ပေါက်လာအောင် မည်ကဲ့သို့ လုပ်ဆောင်ရမည်နှင့်စပ်လျဉ်း၍ ဆွေးနွေးသွားခဲ့ကြပါသည်။ ထိုရည်ရွယ်ချက်အား အကောင်အထည်ဖော်ရန်အတွက် မည်သူ့ကိုမှ ချန်မထားခဲ့ရန်ဟူသော လမ်းစဉ်အား ကျင့်သုံးရန်နှင့် ဒီဂျစ်တယ်အခွင့်အရေးများအား လိုက်နာရန် လိုအပ်ကြောင်းကိုလည်း ဆွေးနွေးခဲ့ကြပါသည်။

ဆွေးနွေးသူများသည် အချက်အလက်ကာကွယ်ခြင်း၊ လုပ်ငန်းစဉ်အားမြှင့်တင်ခြင်းနှင့် တာဝန်ယူမှုရှိသော အချက်အလက်သုံးစွဲခြင်း/ကာကွယ်ခြင်းတို့မှတစ်ဆင့် စီးပွားရေးလုပ်ငန်းများနှင့် စားသုံးသူတို့အကြား ယုံကြည်မှုတည်ဆောင်ရန် မည်ကဲ့သို့ ဆောင်ရွက်ရမည်နှင့်စပ်လျဉ်း၍ အကြံပြုချက်များ ပေးခဲ့ကြပါသည်။

ဆွေးနွေးပွဲတွင် မြန်မာနိုင်ငံ၏ ဥပဒေမူဘောင်ဆိုင်ရာ လိုအပ်ချက်များအား ထည့်သွင်းဖော်ပြသွားကာ ပုဂ္ဂိုလ်ဆိုင်ရာလွတ်လပ်မှု၊ အချက်အလက်ကာကွယ်မှုတို့နှင့် ပတ်သတ်၍ လုပ်ဆောင်သင့်သည်များကို အကြံပြုပြောကြားသွားခဲ့ပါသည်။ ယင်းအကြံပြုချက်များမှာ -

• ရည်ရွယ်ချက်နှင့် နယ်ပယ်

• အချက်အလက်ကာကွယ်မှုဥပဒေဿများအား ဖော်ပြရန်အတွက် လိုအပ်သည့် ဥပဒေမူဘောင် လိုအပ်ချက်များ

• အချက်အလက်ပိုင်ရှင်များ၏ အခွင့်အရေးများအား ကာကွယ်ခြင်း

• ပုဂ္ဂိုလ်ရေးအချက်အလက်များအား ကိုင်တွယ်ရာတွင် ကြုံတွေ့ရသည့် အတားအဆီးများ

• အချက်အလက် ထိန်းချုပ်ထားသူနှင့် ကိုင်တွယ်သူတို့ လိုက်နာရမည့်အချက်များ

• အချက်အလက်ကာကွယ်မှုအား ကြီးကြပ်ရန်အတွက် လွတ်လပ်သော ကြီးကြပ်ရေးအာဏာပိုင် ထားရှိခြင်းတို့ပင် ဖြစ်ပါသည်။

ထို့ပြင် ICTကဏ္ဍတွင် ဆောင်ရွက်မှုနှင့် လှုပ်ရှားမှုများအား လုပ်ဆောင်ရာတွင် ဆက်သွယ်ရေးကဏ္ဍ ပူးပေါင်းဆောင်ရွက်မှုမှတစ်ဆင့် လုပ်ဆောင်ခြင်းသည် အရေးကြီးကြောင်းနှင့် ယုံကြည်မှုရရှိရန် လူ့အခွင့်အရေးဗဟိုပြု လုပ်ဆောင်ချက်များမှတစ်ဆင့် ဆောင်ရွက်သင့်ကြောင်းကိုလည်း သဘောတူညီစွာ ဆွေးနွေးခဲ့ကြပါသည်။

ဆွေးနွေးပွဲတွင် ဆွေးနွေးခဲ့သည်များအား မြန်မာဘာသာဖြင့် ဖတ်ရှုလိုပါက - https://rb.gy/me4mss

အထက်ပါအကြောင်းအရာနှင့်ပတ်သတ်၍ ဆက်လက်ဖတ်ရှုလိုပါက

• Information and Communication Technologies (ICT) Sector and Digital Rights
• MCRB မှ ဒစ်ဂျစ်တယ်ခေတ်တွင် ပုဂ္ဂိုလ်ဆိုင်ရာလွတ်လပ်ခွင့်နှင့်ပတ်သက်၍ OHCHR သို့ အကြံပြုချက် ထည့်သွင်းတင်ပြသည်
• MCRB မှ နည်းပညာကဏ္ဍအတွက် UNGPs ၏ လက်တွေ့ကျင့်သုံးမှုကို OHCHR သို့ အကြံပြုချက် ထည့်သွင်းတင်ပြသည်
• ဆိုက်ဘာလုံခြုံရေးဥပဒေ မူကြမ်းနှင့် သက်ဆိုင်သော နောက်ဆုံးပေါ်အခြေအနေနှင့် ယင်း၏ ဒစ်ဂျစ်တယ် အခွင့်အရေးနှင့် ဒစ်ဂျစ်တယ် စီးပွားရေးအပေါ် သက်ရောက်မှုများ
• မြန်မာနိုင်ငံ၏ဆိုက်ဘာလုံခြုံရေးဆိုင်ရာ ဥပဒေမူဘောင်အား နိုင်ငံတကာစံချိန်စံနှုန်းများနှင့်အညီ တည်ဆောက်ရန် လိုအပ်သည်

Share:

ယခင်

MCRBသည် အီလက်ထရောနစ်စနစ် ကူးသန်းရောင်းဝယ်ရေး မဟာဗျူဟာ မူကြမ်း၊ အီလက်ထရောနစ်စနစ် ကူးသန်းရောင်းဝယ်ရေး လမ်းညွှန်ချက် မူကြမ်းတို့နှင့်စပ်လျဉ်း၍ သဘောထားသုံးသပ်ချက်များ ပေးပို့ခဲ့ပါသည်။

နောက်တစ်ခု

အမျိုးသားမြေယာဥပဒေမူကြမ်းရေးဆွဲခြင်း လုပ်ငန်းအစီအစဉ်မူကြမ်းနှင့်ပတ်သတ်သည့် သဘောထားသုံးသပ်ချက်များအား MCRB မှ တင်သွင်းလိုက်ခြင်း