ပွင့်လင်းမြင်သာမှုနှင့် ကော်ပိုရိတ် စီမံအုပ်ချုပ်မှုတို့သည် စီးပွား‌ရေး လုပ်ငန်းများအတွက် ကောင်းမွန်သည်ဟူသောသတိပေးမှုနှင့်ပွင့်သစ်စ ၂၀၂၀ပြည့်နှစ် အစီရင်ခံစာ သုတေသနစတင်

ဖေဖော်ဝါရီ ၃ရက်က  MCRB နှင့် Yever တို့သည်  ၂၀၂၀ပြည့်နှစ် ပွင့်သစ်စ အစီရင်ခံစာ အတွက် အသုံးပြုမည့် နည်းနာများနှင့် မေးခွန်းများကို ရှင်းလင်းတင်ပြသည့် အလုပ်ရုံဆွေးနွေးပွဲကို ကျင်းပခဲ့သည်။

အလုပ် ဆွေးနွေးပွဲသည် ဗြိတိန်နိုင်ငံဝန်ကြီးချုပ်၏ မြန်မာနိုင်ငံ၊ ထိုင်းနိုင်ငံနှင့် ဘရူနိုင်းနိုင်ငံဆိုင်ရာ ကုန်သွယ်ရေးကိုယ်စားလှယ် ဖြစ်ပြီး  MCRB အဓိကရန်ပုံငွေ၏ ၅၀ရာခိုင်နှုန်းကို ထောက်ပံ့ပေးသော ယူကေအစိုးရ( အပြည်ပြည်ဆိုင်ရာ ဖွံ့ဖြိုးတိုးတက်ရေးဌာန ) အား ကြီးကြပ်ရသည့် အပြည်ပြည်ဆိုင်ရာ ဖွံ့ဖြိုးတိုးတက်ရေး ရွေးချယ်ဌာန အဖွဲ့ဝင် လည်းဖြစ်သည့်   ပေါလ်စကာလီ ၏ မြန်မာနိုင်ငံခရီးစဥ်နှင့်တိုက်ဆိုင်နေသည်။  ထို့အပြင် ပေါလ်စကာလီသည်ဗြိတိန်လွှတ်တော်တွင် အမတ်ဖြစ်လာသော ပထမဆုံး မြန်မာနွယ်ဖွား လည်းဖြစ်သည်။ အဖွင့်မိန့်ခွန်းတွင် ပေါလ်စကာလီက ယူကေမှရင်းနှီးမြှုပ်နှံသူများသည်  စီးပွားရေးတွဲဖက်လုပ်ဆောင်ရန်အတွက် တွဲဘက်ရှာဖွေရာတွင် ကော်ပိုရိတ် စီမံအုပ်ချုပ်မှု ကောင်းရှိသော၊ ပွင့်လင်းမြင်သာသော ၊လူသားချင်းအပေါ်စာနာသော၊ ပတ်ဝန်းကျင်ကို အလေးထာ သော လုပ်ငန်းများကို ရှာဖွေသည်ဟု အလေးအနက်ထားပြောကြားခဲ့သည်။ ထို့အပြင် ကော်ပိုရိတ် စီမံအုပ်ချုပ်မှု တိုးတက်ရေး၊ ပွင့်လင်းမြင်သာမှုရှိရေး နှင့် စီးပွားရေးရာသီဝန်းကျင်ကောင်းမွန်တိုးတက်ရေး အတွက် အပြည်ပြည်ဆိုင်ရာ ဖွံ့ဖြိုးတိုးတက်ရေးဌာနမှမြန်မာနိုင်င်ငံတွင် လုပ်ဆောင် နေသည်များကို လည် ပြောကြားခဲ့သည်။

MCRB မှဗစ်ကီဘိုမန်နှင့် Yeverမှ Nicolas Delange တို့က ၂၀၂၀ နိုဝင်ဘာတွင် ထုတ်ပြန်မည့် ၆ကြိမ်‌‌မြောက် ပွင့်သစ်စ အစီရင်ခံစာနှင့်  ပတ်သက်သည်များကို ရှင်းလင်းရာ ယခင်၂၀၁၉ အစီရင်ခံစာနှင့် မတူကွဲပြားမှုများကို တင်ပြခဲ့သည်။ စည်းမျဉ်းသတ်မှတ်ချက်အရမလိုအပ်သောလည်း ထုတ်ဖော်တင်ပြမှုများ ပြုလုပ်ထားသည့် ပုဂ္ဂလိကပိုင် လုပ်ငန်းများအတွက် ယခုနှစ်တွင် အပိုဆုရမှတ်များပေးမည့် အချက်လည်းပါဝင်သလို  အဓိပ္ပါယ်ရှိပြီး အမှန်တကယ်လုပ်ဆောင်အကောင်ထည်ဖော် ထားသော ကော်ပိုရိတ်ပေါ်လစီများကို တင်ပြထားပါကလည်းရမှတ်များ ပိုမိုများပြားမည် ဖြစ်သည်။ ယခုနှစ် အမှတ်စာရင်းတွင် ကော်ပိုရိတ် ဆိုင်ရာ လှူဒါန်းမှုများနှင့် ပတ်သက်ပြီးလည်း အမှတ်ပေးမှုများ ပါဝင်သည်။

အထက်ပါအကြောင်းအရာနှင့်ပတ်သတ်၍ ဆက်လက်ဖတ်ရှုလိုပါက

• ၂၀၂၂ ခုနှစ် ပွင့်သစ်စ/ မြန်မာနိုင်ငံရှိ စီးပွားရေးလုပ်ငန်းများ၏ ပွင့်လင်းမြင်သာမှု အစီရင်ခံစာ
• ၂၀၂၀ ပြည့်နှစ်ပွင့်သစ်စ/ မြန်မာကုမ္ပဏီများ၏ ပွင့်လင်းမြင်သာမှု အစီရင်ခံစာတွင် uab bank ဦးဆောင်
• ၂၀၂၀ ပြည့်နှစ် ပွင့်သစ်စ စီမံချက်
• Corporate Disclosure in Myanmar – Regulatory Requirements and Sustainability Leadership
• Disclosure of Company Information Leads to Better Business Reporting and a Better Investment Climate

Share:

ယခင်

Disclosure of Company Information Leads to Better Business Reporting and a Better Investment Climate

နောက်တစ်ခု

MCRB Provides Comments to DICA Consultation on the Disclosure of Company Information